Русиенинъ озенлери

Русиенинъ   озенлери

 

Дерснинъ  макъсадлары: Янъы  малюматны  менимсемек  ичюн  уйгъун  шартлар;  янъы  малюматны  керекли  вакъытта  ишлетмеге.

 

Вазифелер:

Огретиджи: Русиенинъ  ички  сувларынынъ  чешитлигинен  таныш  эмек, олгъан  бильгилерни  инкишаф  эттирмек, «озен  тертиби», «озен  тюшюви», «озен  ёнелиши» терминлеринен  таныш  этмек.

 

Инкишаф  этиджи: талебеге  бильгиджи меракъны  ашлаттырмакъ, мустакъиль  чалышувгъа  алыштырмакъ, логик тюшюнювни инкишаф  этмек, тенъештирмек.

 

Тербиеджи: чевредеки  алемге  мукъайтлыкънен  давраныш.

 

Дерснинъ  теминаты: Русиенинъ   харитасы, даркъатма  васталар, топографик  тамгъалар, атлас, дерслик, озеннинъ  къысымларынен  багълы  схема, бильгисаяр, проектор, тахта  узеринде сёзлер «озеннинъ  тюшюви, озеннинъ  ёнелиши, межень»

 

Дерснинъ  кетишаты:

I къысым: Организацион.

II къысым: Эв вазифесини  тешкерюв

Талебелерге  суаллер:

1.Русие насыл  икълимий  сынырлырда ерлешкен?

2. Русиенинъ икълимина насыл  океан  тесир  эте?  Не ичюн?
3. Циклон не демектир? Антициклон? Аванынъ  насыл  чешитлери къышта ве  язда оларнен  багълы?

III къысым: янъы  малюматны  месимсемек  ичюн  азырлыкъ:

Оджа: Талебелер,  сизнинъ  огюнизде  топография  тамгъалары  ерлешкен.Дикъкъатнен  бакъынъыз,  бу  тамгъалар  нени  бильдире? Не  ерде  бу тамгъаларны  раст  кетирмеге  мумкюн?

Джеваплар:  батакъта, чокъракъта, озенде, гольде.

Оджа: Насыл  бир группагъа  оларны  бирлештирмеге  мумкюн?

Джевап:  къара  сувлар  я да  ички  сувлар.

Оджа:  Бу  группагъа  даа   насыл   тамгъаларны къошмагъа  мумкюн?

Джевап: лагъым, бузлукълар, сув бирикинтиси.

Оджа:  Тапмаджанынъ  джевабыны  тапынъыз:

–  Акъа, акъа-  акъып   чыкъмай,  чапа, чапа- чапып  чыкъмай.

Сиз  насыл  тюшюшесинъиз, не  акъкъында  бу  тапмаджа? Бугунь  дерсимизнинъ  мевзусыны  тапынъыз.

Оджа: Эльбетте,  бугунь дерсимизнинъ  мевзусы: «Озенлер». «Русиенинъ  озенлери»