Урок_"Мокшэрзянь шкайхне"

«МОКШЭРЗЯНЬ ФОЛЬКЛОРОНЬ ШКАЙХНЕНЬ- ГЕРОЙХНЕНЬ МАРХТА СОДАФТОМАСЬ. ВИРЯВАСЬ. » Цельхне: содафтомс иттнень мокшэрзянь шкайхнень- геройхнень мархта мархта; кърхкалгофтомс иттнень содамошиснон мокшэрзянь культурати; тонафтомс вирть ванфтома. Оргмомент. Кудонь тевть проверямац. Тонафтысь. - Шумбратада, шабат. - Озада. - Шабат, азость, недялянь кодама шись тячи? Тонафнись. - Недялянь шись тячи- …. . . Тонафтысь. - Кодама тячи числась? Тонафнись. Тячи числась …. . . Тонафтысь. А кодама пингсь моли ульцяса? Тонафнись. Пингсь моли …. . . Тонафтысь. – Шабат, а кие содасы, кода минь фкя- фкянь мархта содафттама? ( Иттне лисихть доскать ваксс и налхкихть диалог( фкя- фкянь мархта корхтама) . Шумбракстыхть, эрь идсь азсы эсь лемонц, коса и кодама класса тонафни и стак тов) . – Пяк пара! Содасасть, кода эряви корхтамс. Ёнюфтада шабатне. – Шабат, а тинь кельгсасть ёфкснень? Тонафнись. – Да, минь пяк кельгсаськ ёфкснень. Тонафтысь. – А кодама ёфкст тинь луводе кудса? ( Иттнень мяльсна- арьсемасна) Тонафтысь. – А тячи, шабат, минь ётафттама урок- ёфкс. Тячиень урокть темац тяфтама: 1- це слайдсь. Урок- ёфкс « «МОКШЭРЗЯНЬ ФОЛЬКЛОРОНЬ ШКАЙХНЕНЬ- ГЕРОЙХНЕНЬ МАРХТА СОДАФТОМАСЬ. ВИРЯВАСЬ». 2. Од темать ваномац. – Шабат, тинь корхтамантень эзда мон содаса, што сембе кельктяда лувомс ёфкст. Тонафтысь. Тячи минь урокса пофтама мокшень ёфксс, васьфттяма ёфксонь лама герой мархта и карматама содама од валхт. Васенда мон аф лама азондан, кода эрясть минь атянь- атяньке. Тинь содасасть, эрь народть эсь культурац, традициянзон, иланзон. Мокшэрзятне эсь кудснон- юрхтснон латсезь- путнезь ляйхнень- эрьхкнень малас. Кунардонь пингть мокшетне и эрзятне соксесть мода, касфнесть сёра. Кельгозь калонь кунцемаснон, якасть вири охотас. Ингольдень пингть, къда ломаттне сърхксесть вири охотас и штоба молемасна удалаль, озонкшнесть Вирявати, азонкшнесть теенза ёфкст. Ломаттне эняльтькшнесть эсь шкайснонды лездомс тевса, ванфтомс эряфснон кальдявть эзда. И тячиень уроксонк васьфттяма мокшэрзянь фольклоронь Шкай мархта. Вирявать мархта. Тячи минь мольхтяма вири инжикс Вирявати. Минь анатама Вирявать кядьста вирень имошт, панкт. Тячи тейнек ёфксс повомс лезды компьютерсь. Штоба сяда цебярьста содафтомс ёфксть мархта, тейнек эряви панжема. Панжемась – тя валхт, конат теенть эрявихть мяляфтомс. 3. Од вал мархта покодемась. 2- це слайдсь Лувсаськ сембе марса. Вирява – богиня Леса Паксява – богиня Полей Ведява – богиня Воды Толава – богиня Огня Тонафтысь. – Шабат, а мезе марстоннесь тунь муде ня валхнень эса: Паксява, Ведява, Вирява, Толава? ( Иттнень мяльса- арьсемасна) . – Виде, сембе валхне аделавихть фкакс. Сембе валнень эса ули пялькс – ава. – А кода ётафтови « ава » валсь рузкс? – Виде. «Женщина». Въдь мокшэрзянь ёфкснень эса шкайхне ават. 4. Ёфксть мархта содафтомась. 3- це слайдсь. Тонафтысь. Шабат, лувсаськ стихотворениять. Азсаськ, кинь колга моли корхтамась. Мон Виряван, Мон Виряван. Сембонь лангса азораван. Кие тюренди – сянь сялдса. Кие аварди – ужяльдьса. Мон Виряван, Мон Виряван. Сембонь лангса азораван. Танцти пяште тейне казсь Весяла урнясь. Медьта каванямань офтсь, Нумолсь кандсь пурьхкя. ( В. Мишанина) ( Инголькигя тонафтысь рисовандай- аноклай картина. Кизонь мазы вирь. Шинясь валдопнесыне эсь сюролданзон мархта шуфттнень пряснон. Вирявась щаф- наряжаф мокшень сёрматф панарса, кядьсонза кирдьсы урнять. Урнясь каваняй Вирявать эса пяштьса. Вирявать ваксса комотни нумолня, кона кирди мадясонза пурьхкя. Офтонясь кандсь Вирявати медь мархта парь. Шуфттнень лангса вирень нармотть: куку, шякшата. 4- це слайдсь. Тонафтысь. – Шабат, кие васьфтьсамазь вирьса? Тонавфнись. – Вирявась. ( Няфтеви картинась) . 5- це слайдсь. Тонафтысь. Шумбраксттама Вирявать мархта. Тонафнихне. – Шумбратада, Вирява! Тонафтысь. Шабат, штоба аф эрьгодемс вирьса и мумс панкт, имошт, эряви няфтемс содамошиньконь Вирень азорвати – Вирявати. Вирявась. Васенце заданиясь тяфтама. Азондода стихотворения вирть колга. ( тонафнись азонды стихотворения) Кепотьксонди сявсаськ М. Безбородовонь « Вирь » стихотворениянц. Кизонда, вирняй Пиже лопаняй. Пси мани шиня Шида кяшиняй. Яксян потмоват, Шуфттнень ёткова, А пингонь- пингонь Ляйгя- лоткова. Кулхцондан эсот, Кода тон увнат, Тифтень лопаня Модати прафнят. Вирявати пяк туде мялезонза( путовихть оценкат) Вирявась. Омбоце заданиясь тяфтама. Содасть, кода мярьгихть тя жувататненди? 6- це слайдсь. Няфтевихть вирень ракшат: келазь, върьгаз, офта, нумол, сярда. Шабат, нят кодама жуватат? ( Вирень) . – Виде, вирень. Вирявась. Колмоце заданиясь тяфтама. Содасть, содама ёфкснень. 7- це слайдсь. А) Кизонек – тялонек фкя щамса? ( куз или пиче) . Б) Кода мярьгихть шуфтти, кона пяярди церят? ( тума) В) Пряц сянгяря, а ронгоц акша( келу) . Г) Кодама шуфта лангса касыхть пяшттне? ( пяштерькс) Д) Кодама шуфта лангса касыхть чивкне? ( чивге) ( Тонафнись содама ёфкснень инкса путы оценкат) . Тонафтыти инголькигя эряви анокламс эрь кодама шуфтонь лопат: келувонь, ушторонь, тумонь, пизелонь, пяштерьсконь, чивгонь и стак тов. Можна лопат керсемс кагодста. Вирявась. Ёнюфтада. Шнатядязь. Но монь улихть нинге заданияне. 8- це слайдсь. Няфтевихть шуфтонь лопатне. Тонафнихненди эрявихть содамс, кодама шуфтста сязьфт ня лопатне. Лемсна азомат и мокшекс, и рузкс. 9- це слайдсь. Кодама нармонь колга азондови тя стихотворенияса? Шобда вирень налняса Акша келу пряняса. Олькси сире кукунясь. Равжа сёрма тутманнясь. Кукунясь кукай. Тараткясь люкай «Ку- ку весть и кафксть. Лефкскяне юмасть ». Тонафнись. Тя стихотворенияса корхтави кукунять колга. 10- це слайдсь. Максф валхнень мархта арьседа кафта валрисьмот. Валхне: ванфтость, шабат, аф, эряви вирть, кърьвяснемс, толмархт, вирьса. Ванфтость, шабат, вирть! Аф эряви кърьвяснемс вирьса толмархт! Вирявась. Пяк пара. А мес аф эряви кърьвяснемс вирьса толмархт! ( Тонафнихнень мяльсна- арьсемасна) . Тонафнись шнасыне ся тонафнихнень, конат парста арьсезь валрисьмоснон и путы теест оценкат. Вирявась. Цебярь содамошитнень инкса мон максан теенть казнет. Но содасть, кой- кона казнетне ярхцамбяленди аф ладяхть. Эряви кептерняти кочкамс сятнень, конатнень эзда минь ярхцатама. Доскать лангс петфтавихть рисункат( эрь кодама панкт) : груздят, маслятат, волжанкат, келазь панкт, кару урафтома панкт, пиче панкт, баяр панкт, бабань панга, Тяфта жа повфтаихть вирень иможень рисункат: инезихть, пяштть, чивге, лакштмарь. 4. Итогсь. Тонафтысь. – А тяни, шабат, лятфтасаськ, мезень колга минь корхтаме, ёфксонь кодама герой мархта васьфтеме, кодама од валхт кармаде содама. ( Тонафнихнень ответсна) . Сембе парста тячи покодеде. Сянкса путан цебярь оценкат. 5. Кудонь тевсь. Уроксь аделавсь, няемозонк.