a2b2.ru
А2Б2 - Образовательный портал
Новости образования от A2B2

Сценка "Табан нүхэд"

Автор: Цыбенжапова Ирин Баировна Опубликовано: 2021-02-08 01:20:39

Табан нүхэд

Унаган.

Намжар сагай арюунда

Наадахада сарюун даа.

Ботогон.

Элдин дайда уужамхан

Эжэл нүхэд урихан.

Тугал.

Тоомтойхоноор наадая,

Тобор, тобор гүйлдэе.

Хурьган.

Дүрбэн туруум шүрбэһэн,

Дүүлим гүйхэм түргэхэн.

(Табан нүхэд наадана, шууялдана.)

Эшэгэн.

Хурса эбэр ургаад байна,

Хүсэ шадал нэмээд байна.

Баатар хүсэн гүндүү лэ,

Бараниее һүрдүүлхэм.

(Эшэгэн гүйжэ ошоод, хурьгаяа мүргэнэ.)

Хурьган.

Оо – ёо – ёо!

Эшэгэн, энэ яажа байнабши?

Һүбээемни үбшэнтэйгөөр мүргэбэлши!

Эшэгэн.

Юу хёлойгообши!

Унаса мүргэжэрхихэб!

Хурьган.

Һэ, муухай! (Гүйжэ арилна)

Эшэгэн.

Хурса эбэр ургаад байна,

Хүсэ шадал нэмээд байна.

Баатар хүсэн гүндүү лэ,

Бараниие мүргэхэм.

(Тугалай хажууда ошоод, гэнтэ мүргэнэ.)

Тугал.

Оо – ёо – ёо!

Эшэгэн, энэ яажа байнабши?

Булшангыем  үбшэнтэйгөөр мүргэбэлши!

Эшэгэн.

Юу хёлойгообши!

Зада  мүргэжэрхихэб!

(Собхороод, мүргэхөө һанана.)

Тугал.

Һэ, муухай! (Гүйжэ гарана.)

Эшэгэн.

Хурса эбэр ургаад байна,

Хүсэ шадал нэмээд байна.

Баатар хүсэн гүндүү лэ,

Бараниие һүрдүүлнэб.

(Ботогоной хажууда гүйжэ ошоод, гэнтэ мүргэнэ.)

Ботогон.

Оо – ёо – ёо!

Эшэгэн, энэ яажа байнабши?

хабһыемни  үбшэнтэйгөөр мүргэбэлши!

Эшэгэн.

Юу шонтойгообши!

Хагза  мүргэжэрхихэб!

(Гэдэргээ сухаряад,  мүргэхөө һанана.)

Тугал.

Һэ, муухай! (Гүйжэ гарана.)

Эшэгэн.

Хурса эбэр ургаад байна,

Хүсэ шадал нэмээд байна.

Баатар хүсэн гүндүү лэ,

Бараниие һүрдүүлнэб.

(Унаганай хажууда ошоод, гэнтэ мүргэжэрхинэ.)

Унаган.

Оо – ёо – ёо!

Эшэгэн, энэ яажа байнабши?

Гуяыем   үбшэнтэйгөөр мүргэбэлши!

Эшэгэн.

Юу һоонойгообши!

Үшөө сүмэ  мүргэжэрхихэб!

(Эшэгэн аймшагтайгаар аашална.)

Унаган.

Һэ, муухай! (Гүйжэ ябашана.)

Эшэгэн.

(гансаараа үлэнэ)

Хурса эбэр ургаад байна,

Хүсэ шадал нэмээд байна.

Баатар хүсэн гүндүү лэ,

Бараниие һүрдүүлнэб.

(Ехэл хүхюу юумэн гаража ошоно. Нүгөө тээһээ хурьган, тугал, ботогон, унаган дүрбэн гарана.)

Хурьган.

Эндэ дүрбүүлээ наадая.

Тугал.

Эшэгэнтэй наадахагүбди.

Ботогон.

Эшэхэгүй муухай эшэгэн.

Унаган.

Хэрзэгы эшэгэн.

(Гүйлдэжэ, эрьелдэжэ ябажа наадана.)

Эшэгэн (ерэнэ)

Намайе наадандаа абыт.

Хурьган.

Абахагүйбди.

Намайе юундэ мүргөөбши?

Тугал.

Манай хажууда бү ерэ.

Гансаараа яба.

Ботогон.

Холлуур яба, хэрзэгы эшэгэн.

Шамтай наадахагүйбди.

 

Унаган.

 

Эбэртээ найдаа хадаа,

Эндэһээ хэлэ ошо.

Нааданда абаахагүйбди.

(Бултандаа гаража ошоно.)

Эшэгэн (гансаараа үлэнэ).

Байза, яаха гээшэбиб? Эдэмни булта намай хаяад арилшаба. Нүхэдөө юундэ мүргөө гээшэбиб! Ошожо болёод гэхэм.

(Эшэгэн гарана. Хурьган, тэмээн, ботогон, унаган дүрбэн нүгөө тээһээнь ороной)

Хурьган.

Муу эшэгэмнай үгы.

Эндээ наадая.

Тугал.

Хэрзэгы эшэгэмнай шомороо байна. Наадая .

Ботогон.

Мүргэдэг эшэгээр юу хэхэ юм. Өөһэдөө наадая.

Унаган.

Тугаарайнгаа наада наадая.

Эшэгэн һаалта хэхэгүй байха.

(Булта хүхижэ наадана. Эшэгэн муу юумэ ерээд, дуугай һууна.)

Хурьган (харана)

Эшэгэн ерээ.

Тугал.

Мүргэхэнь гү маниие?

Ботогон.

Үгы, абяагүй байна.

Унаган (хараад).

Уйлажа байна.

Эшэгэн (хажуудань ерээд).

Һайн нүхэдни, битнай муугаар аашалха, хэрзагы байхаяа болеоб. Намайгаа наадандаа абыт даа.

Хурьган.

Намайе мүргэхэеэ болёо гүш?

Эшэгэн.

Болёо.

Тугал.

Намайе мүргэхэеэ болёо гүш?

Эшэгэн.

Болёо.

Ботогон.

Намайе мүргэхэеэ болёо гүш?

Эшэгэн.

Болёо.

Унаган.

Намайе мүргэхэеэ болёо гүш?

Эшэгэн.

Болёо.

Булта.

Тиигээ һаа, наадаял даа сугтаа.

Эшэгэн.

Һайн даа, нүхэдни, битнай һайн ябахаб, муу зангаа орхёоб.

Унаган.

Нажар сагай арюунда

Наадахада сарюун даа.

Ботогон.

Элдин дайда уужамхан,

Эжэл нүхэдни урихан.

Тугал.

Тоомтойхоноор наадая,

Тобор тобор гүйлдэе.

Хурьган.

Дүрбэн туруум шүрбэһэн,

Дүүлин гүйхэм түргэхэн.

Эшэгэн.

Эбтэй эетэй наадая,

Эрхим нүхэд болоё.

(Булта наадана, шууялдана.)

 

 

 

Хүшэгэ.

Оставить комментарий: